an Ka Pakistan Par Hamla, 58 Fouji Halak — Islamabad Ka Jawabi Karwai Ka Elan
Taliban hukoomat ne tasdeeq ki hai ke us ke security forces ne Pakistan ki fauj par shumaali sarhad ke kai pahari ilaqon mein hamlay kiye hain. Taliban ke tarjuman ke mutabiq, yeh karwai “inteqami” thi, jismein Pakistan ke 58 fouji halaak hue.
Tarjuman ne dawa kiya ke Pakistan ne Afghan airspace ki khilaf warzi karte hue Jumeraat ke din Afghanistan ke andar ek bazaar par bombari ki thi, jiska jawab diya gaya hai.
Doosri taraf, Pakistan ke Wazeer-e-Dakhla Mohsin Naqvi ne in hamlon ko “bila ishtiaal” qarar diya aur kaha ke Pakistan ke civilians ko nishana banaya gaya. Unhon ne kaha, “Hum eent ka jawab pathar se denge.”
Islamabad ki taraf se yeh bhi ilzaam lagaya gaya ke Kabul dehshatgardon ko panaah de raha hai jo Pakistan ke andar dakhil ho kar hamlay karte hain. Taliban hukoomat ne is ilzam ko mustarad kar diya hai.
Sarhad par is naye tanaazay ke baad tension mein izafa ho gaya hai, aur dono mulkon ke darmiyan rishte mazeed kharab honay ka khadsha barh gaya hai
Carrie Davies, Pakistan correspondent, Stuart Lau, and Ethirajan Anbarasan