PTI founder ne 5 se 8 rukanon tak cabinet simit rakhne ka mashwara diya tha – CM ne 13 rukanon ka cabinet bana liya
Peshawar: Pakistan Tehreek-e-Insaf (PTI) ki Khyber Pakhtunkhwa (KP) hukoomat ne 13 rukanon par mushtamil nayi cabinet ka elaan kar diya hai — jo ke party ke founder Imran Khan ke mashwaray ke bar-aks hai. “The News” ke mutabiq, Imran Khan ne Chief Minister Sohail Afridi ko cabinet size chhota rakhne, sirf 5 se 8 arkaan tak mehdood karne ki hidayat di thi.
Party sources ke mutabiq, Imran Khan ne khaas tor par chand afraad ko shamil na karne ka mashwara diya tha — jisme Aqibullah Khan (Asad Qaiser ke bhai), Faisal Tarakai (Shahram Tarakai ke bhai), aur Shakeel Khan shamil thay. Lekin in teeno ko CM Afridi ne apni cabinet mein jagah de di.
Ek senior PTI rehnuma ne kaha ke Imran Khan ne chand senior aur tajurba-kaar arkaan ko shamil karne ki bhi salah di thi, lekin unke mashwaray par amal nahi hua.
“Formal hidayat nahi mili” — Minister ka jawab
Provincial Minister Meena Khan ne kaha ke unhein Imran Khan ki taraf se koi formal hidayat nahi mili thi. Unke mutabiq, “Chairman ne sirf itna kaha tha ke cabinet chhoti rakhein aur CM Afridi ko apni team chune ka poora ikhtiyar hai.”
Unhon ne ye bhi kaha ke, “Imran Khan chahein to kisi bhi waqt tabdeeli kar sakte hain. Cabinet mein tajurba-kaar aur naye chehre dono shamil hain.”
Sources ke mutabiq, Aqibullah Khan aur Faisal Tarakai ki shamilat ne party ke andar naraazgi paida kar di hai. Kuch MPAs aur haarne wale candidates bhi ab lobbying mein masroof hain taake unhein cabinet mein jagah mil sake.
Ek senior rehnuma ne naam na batane ki shart par kaha ke is faislay ne ek baar phir PTI ke andar ke ikhtilafaat ko numaya kar diya hai.
Naye chehre aur choote hue afraad
Party insiders kehte hain ke kai aham ilaqon ko cabinet mein representation nahi mili, jabke mashhoor afraad jaise Taimur Saleem Jhagra aur Kamran Bangash ko shamil nahi kiya gaya.
Is dafaa zyada tar wohi ministers wapas aaye hain jo pehle Ali Amin Gandapur aur Mahmood Khan ki cabinets ka hissa thay.
Mashhoor chehre jese Barrister Dr. Muhammad Ali Saif, Asim Khan, Major (R) Sajjad Barkwal, Adnan Qadri, Syed Qasim Ali Shah, aur Zahir Shah Toru is dafaa drop kar diye gaye hain.
13 rukanon ki nayi cabinet
CM Sohail Afridi ne late Thursday raat ko 13 rukanon par mushtamil nayi cabinet ka elaan kiya. Governor House mein oath-taking ceremony hui jahan Governor Faisal Karim Kundi ne halaf uthwaya.
Naye ministers ke naam:
Meena Khan Afridi. (Peshawar). Arshad Ayub Khan. ( Haripur ), Dr. Amjad Ali (Swat), Aftab Alam Khan (Kohat), Fazal Shakoor Khan (Charsadda), Khaliqur Rehman (Nowshera), Riaz Khan. (Buner), Syed Fakhar Jehan. Aqibullah Khan, aur Faisal Khan Tarakai (Swabi).
Advisers: Taj Muhammad Tarand (Battagram) aur Muzzammil Aslam (Karachi)
Special Assistant: Shafi Jan (Kohat)
Governor Kundi ne tamam nayi cabinet ko mubarakbad di aur behtari ki dua ki.
CM Afridi aur Governor ka mulaqat
Oath-taking ke baad CM Afridi ne Governor Faisal Karim Kundi se mulaqat ki, jisme law and order, taraqqi projects aur NFC Award ke hawalay se KP ke haqooq par baat hui. Dono ne ittifaq kiya ke KP ke awaam ke huqooq ke liye mil kar kaam kiya jayega.
Alright, so I stumbled across bet89 the other day. The interface is clean, which is always a plus. Still figuring out if it’s gonna be my go-to, but first impressions are solid. Give it a look see! bet89
Yo! jljl330 is looking kinda good. Plenty of action from what I’ve seen so far. It’s got that vibe, y’know? Give it a shot: jljl330
Alright folks, took hindubetapk for a spin. The APK is easy to download and runs smoothly on my phone. Pretty solid betting platform. Head over here: hindubetapk
Logged in to indbetlogin today, and I’m liking what I see. The platform is user-friendly and the selection is pretty decent. Worth checking out if you’re looking for a new spot! Here’s the link: indbetlogin